السوق أب شدوق شعر حلمنتيش

الليلة دة السوق اب شدوق بقّت نارو
فى الزيت والبصل فى لحمتو وفى خضارو
فى الجار العزيز اتحكمّت اقدارو
بس قول لى كيف الزول يمد لجارو ؟

السوق اب شدوق يا شمتان علّى وانا كاتم
ياخ امرك صار بضاعة تلبسنا ساعة وخاتم
الزول فى الفرح لو جابلو قفة طماطم
فى الجود والكرم بيكون سبق ناس حاتم

السوق اب شدوق آلمنا ازية
ياخ قرصتو فى الجيوب
زى قرصة الزردية
معقول يا صحاب
مابين صباح وعشية
فى كيساً صغير الزول يكب ماهية ؟

السوق اب شدوق مهما تزيدنا ازية
ياخ بقيت سلاح فى ايد بليدة غبية
لاكل القرض عزمنا النية

الليلة هاك اخبارو
فى كل الجهات تلقاهو
طالق نارو
كيف يا اخوانا نحمى
لهيب اسعارو
والفلس اللعين
فى راسى فرررر
فرارو

السوق اب شدووق يا اخوانا شوفو ازيتو
من يوم حرروهو واخد حريتو
اتجّرس فقيرنا وقام حرد ماهيتو
اتحرقت سلوكو وطرشقت أٌميّتو

Laughing

هذا هو الحال فى هذا الزمان الذى لايقبل بالحل ولا بإنصاف الحلول
الاخ الجاز (وزير المالية)أدهش الشعب السودانى بالمفاجئة التى
تقضى بخفض اسعار الخبز بمناسبة إنخفاض أسعار القمح العالمي .
ولكن الادهش ان بعض أصحاب المخابز رفض الاستجابة لهذا القرار
إلا بعد إنتهاء الدقيق الموجود فى المخازن..(يدخل فى هذا فى المقطع القائل)

السوق اب شدووق يا اخوانا شوفو ازيتو
من يوم حرروهو واخد حريتو
اتجّرس فقيرنا وقام حرد ماهيتو
اتحرقت سلوكو وطرشقت أٌميّتو

طبعا فى موضوع منقول من احد الاعمدة للصحفى الهندى عزالدين
فى المنتدى السياسى متناول فيهو كل ابعاد تحرر الاسواق
فى اطار الخبز الجنن الناس الايام دى..

اللهم خفف من حدة السوق اب شدوق
والسلام

السوق السايقك سايق جني وجنك ومني ومنك احسن اسافر جوا عيون الغبش الجنَك .............. وبيني وبينك الله كريم

من الواسوق أبت تطلع

من الأبرول أبت تطلع

من الأقلام أبت تطلع

من المدفع طلع خازوق

خوازيق البلد زادت

يفيض النيل .. نحيض نحن

يظل حال البلد .. واقف

تقع محنة

ولا النيل القديم ياهو ... ولا يانا

نعاين فى الجروف تِنهد .. ولا يانا

رُقاب تمر الجدود تِنقَص .. ولا يانا

متين إيد الغُبُش تتمد

ولا قِدّام

تتِشْ عين الضلام بى الضو

تفرهِد شتلة لا هدّام

ولا فيضاً يفوت الحَد

عُقُب يا نيل تكون ياكا

ونكون أهل البلد بى الجد