السودانيين كسلانين

بجدية نحن "المقيمين بالخارج" نعاني من هذه المشكلة..
وهي اتهامنا بأننا "كسلانين" ونكره الأعمال الشاقة..
وانتشرت هذه الإشاعة في البداية في شكل دعابة..
لكن -بقدرة قادر- تحولت إلى سمة مميزة لنا نحن السودانيين!
فهل هذا صحيح؟
علماً بأن السودانيين العاملين بالخارج انتزعوا احترام الشعوب الخليجية وتبوؤا أرقى المناصب...
ولكن لا أدري لم الكسل بالذات..!؟ scratch

فأنا أتفق تماماً مع أن السودانيين لايحترمون المواعيد مثلاً أكثر من غيرهم من "شعوب دول العالم الثالث"..
ولكن لا أدري لماذا يقال كسلانين؟
وهما موضوعان للنقاش..
نريد استطلاع آرائكم ياشباب..
خاصة من مر بتجربة الإقامة قي الخارج..

دمتم..

احنا برضو هنا نفس الحكايه
وفي ناس بيقولوا
من كتر كسل السودانين
عندهم مدينه اسمها كسلا
وكمان الجلابيه ممكن يلبسوها من الجهتين
وكمان في غرفه الضيوف بيكون فيها سراير
سبحان الله اي شعب بتميز بحاجه حتى لو كانت الحاجه دي ضئيله فيه
انحنا السودانين ما كسلانين لدرجه البتكلموا عنها بالعكس
مثلا الحضارم ميزتهم البخل
اكيد ما كلهم لكن ده الاتميزوا بيه

ننتظر ارائكم

تفتكرو ممكن تتغير النظره دي؟؟ Rolling Eyes

لاحظوا انو على العكس تماما الانجليز مشهورين بمواعيدهم المضبوطة، هم ما بيجوا بعد الموعد ولا قبلوا، بس بيجوا في نفس الوقت..........
بالنسبة لينا.....سمعت انو في خليجي كتب في احد المنتديات: (ياليت أنو الزمن سوداني) طبعا قاصد انو يتأخر شوية
أعتقد لو ربينا الأجيال الجاية (ابتداء من جيلكم يا اكسي وبراون) حانقدر نقلل من الصورة القاتمة المعتمة تجاهنا مع الزمن..

والأسطورة يفخر بأنه الأكثر التزاما مع الوقت في دفعتو على الأقل...
حاولوا تحصلوني.........!! ء

(ابتداء من جيلكم يا اكسي وبراون)

[b]كيف يعني من جيلنا ؟؟؟
والله يا اسطوره عدم المواعيد بقت حاجه مشهوره عند السودانين
انا سمعت انه في واحد من الخواجه قال انه عاوز يسافر بطياره سودانيه والسبب انها ما عندها مواعيد فما تتعرض للخطف كتير
وكتيير ما بشوف مكتوب في اللوحه الموجوده في المطار الطائرات وصلت في موعدها ما عادا الطائره السودانيه تأخرت

من وين تفتكروا نقدر نبدأ نغير الفكره دي ؟؟؟

والأسطورة يفخر بأنه الأكثر التزاما مع الوقت في دفعتو على الأقل...
حاولوا تحصلوني.........!! ء

Razz

وانا كمااااااااااااان

الكسل في السودان لو بدأنا نعالجه من ناحيه أدبية فقد يرجع لعدة عوامل منها اللامبالاه .عدم وجود الدافع..والمحبطات الإجتماعية وغيرها...
أما بالنسبة للناحية الأهم وهو السبب الرئيس في رأيي ألا وهو المناخ السائد ال\ي ينشأ عليه السوداني من ارتفاع شديد في الحرارة...ثم تغير مفاجئ لأمطار غزيرة يجعل المواطن يتردد ألف مرة في التفكير بالتحرك لقيام شئ ما

ولو رجعنا لعلوم الوراثة نجد أن الطبتئع تورث لتصل إلى نتيجة الكسل المفرط..
ه\ه وجهة نظر...
أحييكم بعد طول غياب........

يااااااااا ساتر ...انا اقول ليكم حاجة ...السودانيين ما دايما كسلانين ..ولاحظوا انو لما يشتغلوا ..قصدي لما نشتغل ... بشتغلوا على احسن صورة ..وبنتهوا من العمل بأتم وجه ...وبكونوا نشيطين ف فترات العمل ..وللا شنو؟؟؟
لكن للرااااااااحة عندهم...طقوس واجواء ..زي السراير ف الصالون..وكدة ...
بالنسبة للمواعيد..ماااااااااااااااااااااااااااااااااااااافي التزام .... ودا صاح مية مية... دا رايي...

Wink

اعتقد المشكله عدم احساسهم بالوقت
او عدم اعطاء الوقت اهميته

براون

ضل البضحى بطول العمر
مثل سوداني يؤيد كلام اكسي
السودانيين كشعب نعم شعب كسلان واذا اردت ان تتاكد من ذلك فاذهب الى اقرب مصلحه حكومية وشاهد سير العمل اليومي
نعم نحن شعب كسول لايقدر مواعيده وعندنا (الشره) من الاشياء العاديه
يجب علينا مراجعة انفسنا وتربية انفسنا على اهمية الوقت ومن ثم الاجيال القادمة