ادينى احساس انى منك وانت منى

ادينى احساس انى منك وانت منى

وماتلومنى عشان عشقتك

دى المشاعر غصب عنى

وما شكيت انا لى سوايا

من صدودك

من تجاهلك لى مشاعرى

والتباريح الازنى

بس شكيت انا لى قمرنا

وللنسيمات البطوفن بيك و يجنى

وانت نافر

والجرح جوايا غاير

بس بكابر

واكتم العبرات واغنى

التحية للكاتب............

كيف اديك الاحساس وانت كل الاحساس

انا مابلومك عشان عشقتك
بس بلوم الغصب عنك

سلامتك من الازيه يا عايش جواي انا ا..

شكيتني لقمرنا ونسيت انت انو دا قمرنا

انا ماجرحتك يا عزيز لكن بحاول اعبر ليك
وفشلت في التعبير
قلت اخير سكوتي بكون احسن
صدقني ما تكابر لكن حبي ليك في عيني ظاهر
وفي صمتي شوقي ليك
ياعمري انا ماليا غيرك
ومابهون علي جرحك

عذرا خوي
بس ما فهم مين هو الطرف الاخر هل هو الوطن ام لا؟؟

ونتواصل فى سمفونية شحذ الاحاسيس والمشاعر

ادينى احساس بالامل فى كل رحلة شوق تطول
وادى الخطاوى الراجعة ليك
فى سكتك عشم الوصول
ما الدنيا كلها ارتحال
والانتظار قدر الوصول
الموجة تحلم بالضفاف
والغيمة تحلم بالهطول
راحل معاى ضى الامانى
وذكرى للايام هناك