سيــــــــــــــــــــــــــناريو ...............معسكر !

بدأت ايام هذا السمستر تؤول الي الصفر في شكل متسلسلة نهائية متقاربة و نرجو ان يكون صفره مسكا ....
و كالعادة في مثل هذه الايام يحاول كل شخص ان يحفر و لو القليل و عندما يبدأ ال down synchronous counter بالعد حتي يصل الي ما قبل ال reading week تتكون معسكرات المذاكرة الالزامية و تبدأ المقابضة ... و اليكم سيناريو المعسكر التالي...
قبل يوم من بداية ال reading week جمعت كل من x , y & z كل الشيتات و دخلن المكتبة و صورن المراجع و توادعن علي ان يلتقين اليوم التالي لبداية المعسكر . في صباح اليوم التالي كل تحضر شيتاتها و يبدأن بتصفح المواد و عمل جدول لها لاختيار واحدة لمذاكرتها و بعد ان يقع الاختيار علي المادة ( و غالبا ما يكن ما ناقشات فيها حاجة ) يبدأن بالمذاكرة .
x,y,z : بسم الله الرحمن الرحيم
y: يلا يا جماعة نحاول نغطي اكبر كمية ممكنة
و يكون الموضوع ماشي كويس حتي الدرس الثاني ( في الاحتمال البعيد ) ثم
x: وووووب علينا انا ما كنت قايلاها قدر كدا و انا ما فاهمه حاجه , دي حنقراها
متين ؟!! اهئ اهئ اهئ....
y ,z: كدي قولي بسم الله ! ان شاء الله بنفهمها و نتمها
و ما ان تصل المادة الي نصفها و يصلن الي اوج عدم الفهم
y : انا زاتي زهجت شكلنا ماااا حنتمها
z : ياخ ما تبطلي التشاؤم دا
(فاصل ونسة )
x : هيي يا بنات ما شفتو اليوم داك مشينا عرس اخو صحبتي , انسي الحفلة رااابه و طرب شديد بس العروس كانت شينة و بعدين زي خفيفة شوية ..
y : يا بنات يلا يلا نقرا , الماده دي ما عندها يوم تاني و لا ما اتقرت بندقس .
يحاولن الرجوع الي جو المذاكرة ..ثم يبدأ اليأس يدب في نفس z المتفائلة و يبدأن بالندم .
z : نحن برانا عملناها في روحنا
y : هسي نحن من بداية السمستر كنا وين
x : و الله ضيعنا زمننا في حاجات و لا بقولو عليها انجاز
ثم تنظر y الي الساعة : سجمي الساعة 10 جات ..معقولة !! اها حنعمل شنو؟؟
العمل عمل ربنا ....
z: يا جماعه هو الحصل حصل نحاول نطلع بأقل خساير و نجازف فيها اي حاجه المهم نجيب ال pass .
و عندما يكون يوم غد هو اليوم الموعود تتفق x , y علي ان يساهرن حتي الصباح
اما z : انا و الله لا بغش الله لا بغش الرسول و لا بساهر و لا حاجه
x,y : يلا نجيب قهوة
و يبدأن بالسهر
x: هيي يا بت الساعه 6 انت نمت متين ؟!!! انا ما حسيت بنفسي اخر حاجه شفتها كانت الساعه 12
y و قد وضعت يديها فوق رأسها : انا لله و انا اليه راجعون !
ثم يذهبن الي قاعة الامتحان و هن يرتجفن خوفا و يحاولن مجازفة ما يعرفن و بعد نهاية الجلسة
اذا كان الامتحان سهلا
x,y,z : و الله و لاااا قدر (الكرواتيا ) ساي اتجننا ! بركة النمنا
و اذا كان الصعب (الممتنع)
x,y,z : هيي الاستاذ دا ما عندو موضوع ..هسي عليك الله دا امتحان يجيبو لينا..هو هسي شرحو قدر امتحانو !!!
و يسمعن من بعض نوارس الدفعة : " بتقفل يا عمك "..................
ثم بعد ذلك يركضن الي المنزل لتكرار نفس الخطوات السابقة
فيا جماعة حاولو كابسو من هسي عشان ما يحصل ليكم زي x,y,z ... ونتمني ان يتحسن هذا السيناريو بالمذاكرة و الحفر من بدري و نتمني التوفيق للجميع .....

شنو يا ماروكو يعني و لا تريدين ان تذكري اسما ولا كييييييف !!!!
و بلاش تسيحي لينا في المنطقه !!
و ان شاء الله السمستر دا نتحسن....مع انو فضل شهر بس !!!!
و موفقين جميعا

يا ماروكو بالغتي عدييييييييل ...ليه الفضايح دي يعني !!
طبعا دا نموذج من معسكرات البنات ..فيهو كميه من الدراما ...
بالرغم من انها ونسه تتخللها قراية لكن الزول بستفيد من الشرح الجماعي اذا في حاجه فايته عليهو , و الناس بتحاول تتفاكر و تطلع بالمفيد...
اها يا شباب زول يحكي لينا تجربتو مع المعسكرات

"فلا يوجد أجمل ولا أروع ولا أكثر فائدة من المذاكرة الشخصية...إلا في أحوال معينة ... وأقصد عند عدم الفهم مطلقا..."

و الله انا بفتكر انو المعسكرات عموما مفيدة جدا و بالتأكيد دا ما سيناريو المعسكر المثالي ... و المعسكرات ما بس في حالة عدم الفهم المطلق لكن ببساطه ممكن تكون في حاجه فاتت عليك او فاهمها غلط بتلقي زول يصححها ليك !!!

"ولا مجال هنا للونسات والأحاديث الجانبية".

و الونسه هي نفس فهم ال break لما تكون بتذاكر براك ...الا طبعا اذا انت عندك القدرة علي القراية من غير فواصل !!!

عموما كل واحد عندو طريقتو في القراية و بالتوفيق للجميع

odadda odadda odadda مباااااااااااااااااالغه الموضوع ظريف جدا جدا

[center]انا شخصياا دخلت مشروع معسكر مرتين وحقيقة لم استفد كثيرا ان لم يكن مطلقا وما دعاني لخوض غمار المعسكر كان توتري الذي لم اتعامل معه بصورة سليمة واكاد اجزم ان من ذاق مرارة نتيجة سيئة من معسكر لن يكرر التجربة هذا الفصل سيكزن اعتمادي علي المهارات الفردية لايجاد الحلول لمتلازمة التوتر ايام الامتحانات التي تدخلنا(في حتة ضيقه) كان الله في عون النوارس والزهرات [/center]