اشتهينا البوش

موضوع: اشتهينا البوش الخميس يناير 01, 2009 6:43 pm

طشت البوش

طشت البوش
يلا يا عمك صلح الفولة
وما بزيدك لا
أوع لا تقولا
***
أنت ( الفاتح) ظـبـط الدكـوات
ونادي (ود التاج ) يظبط الشطات
الطشت امـلو الـرغيف مردوم
الفتت حلوة سمحة لو بي الكوم
يلا (يا مهدي) قـطـع السلطات
***
يا (مـدثـر) هوي قلل اللقمات
انت زول وكال حـاشا مابتنفات
لو الكلت شديد تبقي زي شاحنات
ماشة بي السيسي وفاتتا العربات
***
(يا حجر) زح جاي أوع تبقي غتيت
الصحن خـلي ما تـزوقـبو البيت
النـقـوم امشي أجيب زيـادة زيت
وقـفـو اللقيم مـا تـقـولو ابيت
***
صاحبي (ود محبوب) صاني مافي كلام
عينو بس في الطـش والرغيـف الحام
لقـمـة فـي لقـمـة كـملو وما قام
راجـي قـال الخير الـزيـادة تـمـام
***
(السليماني) قـلـبـتـو القومة
قال أسوي شنو ؟ ونفسو مهمومة
عندو كـم مشوار غلبتو الحومة
ما ملاها شديد كيف تجي النومة
والغريبه بيقول نفسي مصدومة
***
صلحو القعدة وسعو الدارات
نزلو العايلي وزعو الشربات
(الكميني) لذيذ زيدو كبايات
املو كرشاتكم وكملو الناقصات
بكرة قررنا نضرب الشيات
كترو الشرتيت بكرة يا جنيات
Crying or Very sad

لكن ما جوعتنا ..

لك التحية .......... والى الامام

زائر

قصيدتك صريحة و لقيتك فضيـــــــــــــحة Very Happy

نفهم نك كده انك عازم البنات ديل بوشة ولا شنو!!!!!؟؟؟
اخر الأخبار انو غيرو اسمو لأوباما!!
ان شاالله كويسين.
kingkolo

ان شاء الله كلنا كويسين
وبصراحة موضوعك مابتفتح والزول جيعان
وشكرا

الظاهر انو الفول مأخذ مساحة فى المنتدى لا يستهان بها
كما هو الحال بالنسبة لنا مع حبيب الملايين (الفول)
الفول فولى زرعته وحدى وحصدته وحدى
لكن الاحلى

بوش السودان الحبيب

الا هبي ببوشك شبعينا -------وجودي بالطعام لجائعنا
نريد لدفس البطن بوشا------نكون باكله كالمجاهدينا
ولن نرشي سواه و لو بلحم— فلسنا في اللحوم بطامعينا
اذاما لاح طيف اللحم يوما --- نبحلق فوقه لااكلينا
ننونو كالكدايس عند لحم-----وننبح كالكلاب مشاكلينا
فيا لحما يقد الجيب قدا ------ كفاية مغصتك السويتا فينا
فان بطوننا يا لحم ابت ------ علي الافوال بعدك ان تلينا
تمطقت الخشوم لاكل بوش— تدنكل بالشطوط و الطحينا
وزغردة البطون لاكل فول--- تصوت تارة و تحوط حينا
اذا ما البوش جهز فوق صحن— تخر له الاصابع ساجدينا
وتركع في نواحية الايادي ----- يصوم عن الكلام (البوز) فينا
سلي عنا المطاعم في البراري ---سلي الفوال يخبرك اليقينا
بانا نورد المعدات جوعي -------و نصدرهن تخما قد كفينا
ونشرب اذا شربنا الشلي طاعما---ويشرب غيرنا كدرا و طينا
وان سوف تذكرنا السفاسف -------مدنكلة لنا و مسفسفينا
وان غدا وان اليوم اكل------------وبعد غدا نكون الاكلينا
فما شر السفاسف ام ليلي ---------اذا كانت مدنكلة تجينا
يزين صحنها بصل و توم -------وماء الجبن لاح لناظرينا
مدنكلة كان الزيت فيها----------اذا ما الماء خالطها سخينا
فاني قد خبرت الاكل دهرا------وخضت غمارة طورا و حينا
بفتيان يرون الاكل مجدا -------و شيب في الطعام مجربينا
نسفسف ما ترضي الناس عنا ---ونهجم كالاسود اذا دعينا
فبوش قد اكلت بسوق بري -----وفول قد اكلت بطور سينا
هبشت الجيب بعدها –بكيت----يرن امام صاحبة رنينا
فما حظ المفلس غير شوم ----يعيش العمر مكتئبا حزينا
اذا ما كان بالامكان يوما-----اعبي الجيب اجعله متينا
لكنت ملات هذا البطن لحما---وهامبيرقر و تفاحا و تينا
لصرت مفتل العضلات ماكن----و منتفخ الجضوم فتي سميتا
و كنت و ليس بالامكان هذا -----وكنت حسبت هذا الفول طينا
اراني قد فطمت بماء فول ----- ولسنا لبيرقر بمناسبينا
فهل عربية الجازولين تمشي ؟ اذا كبولا يوما موية

الأخ عمران ..نحن منذ اللحظة أصبحنا شاهدين عيان على أكبر عملية تشويه في التاريخ لمعلّقة :
ألا هبي بصحنك واصبحينا*** ولا تبقي خمور الأندرينا
وما أحببت أن أشهد هذا ولو أن لي حمر النعم..
ولكن مقتضيات العصر فعلاً جعلت حبيب البلد "الفول وامتداده الفكري اللوجستي البوش" يتمدد على مساحات شاسعة في القلوب وفي الدكاكين وفي الجامعات..
وحتى في المعلقات الجاهلية.. كم أنت كبير يا كتلة البروتين النباتي صعب الهضم..!
والتحية للعضو omran.88 بمشاركاته "الحساسة" في هذا المنتدى..
Axy